早前迪士尼樂園邀請我哋去試玩全新 Marvel 主題互動遊樂設施「蟻俠與黃蜂女:擊戰特攻!」，可惜Dora當日發高燒，唯有揀日再戰。
尋日終於夾到時間去試玩，沒想到人比想像中少，我哋竟然可以玩咗五次！話說買咗迪士尼年票N年，爸爸多數都係只做司機及保姆。因為爸爸畏高及受不了離心力，所以玩唔到機動遊戲。唯有一個遊戲係爸爸真心中意玩，就係巴斯光年。等咗一段時間，巴斯光年遊樂設施終於化身做「蟻俠與黃蜂女:擊戰特攻!」新嘅設施加入咗好多科技元素，亦有本地化的設計。宣萱化身為神盾局科技館總工程師林樂詩，同蟻俠同黃蜂女嘅對答，頗為驚喜。蟻俠一如既往幽默抵死，仲話要食「蛋撻」，頗為過癮。戰車去到一半「縮細」的場景，實在不錯。遊戲與故事設定及製作都係一流。正！兩姊弟亦玩到不亦樂乎！
好感動，以後爸爸終於有得玩啦！
除咗呢個新設施，感謝迪士尼樂園安排我哋試食喺「皇室宴會廳」嘅自助餐。今次亦都係樂園入面首次有自助餐，亦係首次有唐老鴨同食客拍照留念添，不過原來係「期間限定」，如果想試下就要快啦。食物質素唔錯，種類都唔少，特別欣賞紅豆沙湯圓，令戒甜幾個月嘅爸爸都要破戒。兩姊弟當然最愛係各種特色甜品。
愛挑戰嘅Dora當然唔少得一玩再玩過山車，結果又玩咗三次。至於Jon Jon，除咗新寵蟻俠戰車外，依然愛做絕地武士。天公造美，前一日先紅雨，第二日竟然無落雨，實在太好了。
有時候，愛逛樂園，不只為了那些設施，更在乎的是在樂園裡看到的一張張快樂的笑臉，可以讓人忘記煩惱，回歸童真。難得！
#GoAllIn #全力出動 #AntManAndTheWaspNanoBattle #蟻俠與黃蜂女擊戰特攻 #NanoBattle #Marvel第二撃只在香港 #HKDisneyland #香港迪士尼樂園
#RoyalDonald
#RoyalBanquetHall
#CharacterDinnerBuffet
#HKDisneyDining
Search